Deputeti i Partisë Demokratike, Agron Gjekmarkaj në cilësinë e zv/kryetarit të Kuvendit ishte pjesë e delegacionit shqiptar që vizitoi Vatikanin, ku u takuan edhe me Papa Franceskun.
Nga foltorja e Kuvendit, Gjekmarkaj teksa zbardhi takimin dhe temat e diskutimit tha se nuk mundet që kjo vizitë të kalonte thjesht me një komunikatë për shtyp apo publikimin e disa fotove.
Po ashtu, deputeti i bëj thirrje Kuvendit, Qeverisë Shqiptare ta shpallë Vatikanin partner strategjik si detyrim ndaj shekujve e si nevojë e jona për shekujt që na presin.
“Asgjë nuk ndodhë rastësisht në marrëdhëniet mes vendeve, ka një traditë kushtëzuese, ka një element bashkohësie që ngjit, ka një projekt për të ardhmen që bashkon. Në këtë kontekst Ati i Shenjtë zgjodhi për të vizituar Shqipërinë si të parin vend europian në vitin 2014 në intenerarin e vet si pelegrin i paqes duke çmuar vllazërinë mes komuniteteve fetare në vendin tonë, harmoninë e mirëkuptimin që vjen nga thellësi e kohëve si bazament solid e si shembull për një botë që trazohet”, tha Gjekmarkaj.
Discussion about this post