Zbulohet një plantacion kanabisi në afërsi të lumit Formiga, në komunën e Labatës në Spanjë.
Pas aksionit është arrestuar një shtetas shqiptar, i cili kujdesej për bimët.
Në zonë u zbuluan të gjitha pajisjet e nevojshme, fara kanabisi, pleh, një rezervuar i vogël dhe një sistem vaditjeje me një zorre rreth 400 metra. Përveç këtyre u gjetën çanta me ushqime dhe sende të higjienës personale.
36-vjeçari shqiptar pa adresë apo precedentë të mëparshëm penalë do të përballet me drejtësinë spanjolle pasi gjykata e Huesca-s dekretoi burgosjen e tij pa afat.
Në total, u gjetën 5,264 bimë kanabis, rreth 2.5 dhe 3 metra të larta që tashmë ishin në lulëzim të plotë dhe gati për t’u korrur. Pesha e tyre ishte afërsisht 15.7 ton ndërsa shtriheshin në një sipërfaqe prej rreth 2000 metra katrorë.
Discussion about this post