Drejtori i spitalit Al-Shifa të Gazës, pranë të cilit po zhvillohen luftime, tha se “179 trupa” ishin varrosur në një “varr masiv” brenda objektit.
Pacientët dhe mjekët mbetën të bllokuar në spitalin kryesor të Gazës, pas ditësh luftimesh midis trupave izraelite dhe Hamasit, ndërsa agjencitë e ndihmës paralajmërojnë se pacientët dhe fëmijët kritikë janë në rrezik të vdekjes, për shkak të mungesës së karburantit dhe furnizimeve të pakësuara, ushqimit dhe ujit.
Izraeli thotë se selia e Hamasit është nën spital, një akuzë që Hamasi dhe mjekët e institucionit e kanë mohuar.
Ndërkohë ushtria izraelite deklaroi se ka filluar të transferojë inkubatorët nga spitalet izraelite në spitalin al-Shifa në Rripin e Gazës.
Një nga zëdhënësit e qeverisë izraelite për shtypin e huaj, Eylon Levy, shkruan këtë në X, siç raporton “Haaretz”.
Levy tha se Forcat e Mbrojtjes të Izraelit do të punojnë me “çdo palë të besueshme ndërmjetësuese” për të siguruar që inkubatorët të dorëzohen në mënyrë të sigurt.
Discussion about this post