Gjenden 180 trupa të pajetë në një varr masiv në rajonin e Donetskut

Trupat e 180 personave u gjetën në një varr masiv të zbuluar në Lyman, në rajonin e Donetskut, të çliruar nga pushtuesit rus.

Kështu ka bërë të ditur shefi i departamentit të policisë, Jevhen Zhukov, në Telegram, shkruan Ukrinform.

“Qyteti i çliruar i Lyman në rajonin e Donetskut. Këtu u zbulua një varr masiv me 180 njerëz të varrosur brenda,” shkroi Zhukov. “Në varr – vijon ai – janë gjetur familje të tëra. Mes viktimave ka edhe trupa të fëmijëve të lindur 2019-2021”.