Granata dhe tritol janë gjetur në fshatin Marikaj në Vorë. Objektet metalike. të cilat dyshohet se janë lëndë plasëse ushtarake, ishin në një kuti metalike me kallëpe në tokën e një personi me iniciale P. G.
“Më datë 30.10.2021, në fshatin Marikaj, Vorë, në tokën e shtetasit P. G, duke kryer disa lëvizje dheu, janë gjetur disa objekte metalike te dyshuara lëndë plasëse luftarake (granata) si dhe një kuti metalike me kallëpe të dyshuara lëndë plasëse (tritol). Janë njoftuar forcat xheniere për veprime të mëtejshme”, njofton policia.
Uniformat blu ndodhen në vendngjarje për të bërë të mundur transportimin e tyre pa rrezikuar jetën e banorëve.
