Dy turistët nga Suedia dhe Rusia që rezultonin të humbur që prej mëngjesit të së enjtes në Valbonë janë gjetur. Mësohet se ata janë në gjendje të mirë shëndetësore dhe u gjetën në vendin e quajtur “Lugu i Valit”.
Aktualisht ata ndodhen me punonjësit e policisë, të cilët po i shoqërojnë drejt automjetit të tyre.
Kujtojmë se dy turistët ishin nisur në drejtim të Thethit, por në disa zona bora ende nuk është shkrirë dhe shtegu herë pas here bëhet i pakalueshëm. Më pas atyre u ra edhe bateria e telefonëve dhe humbën kontaktet me policinë. Kërkimet nisën që mëngjesin e së enjtes dhe vijuan sot më pas me helikopter.
