Gjenden trupat e pajetë të pesë alpinistëve në Alpet e Zvicrës

Pesë nga gjashtë skiatorët zviceranë që ishin zhdukur që nga e shtuna në Alpet zvicerane janë gjetur të vdekur, njoftoi policia në kantonin Valais, duke vazhduar kërkimet për të gjashtin.

Një operacion i madh kërkimi dhe shpëtimi filloi të shtunën pasi grupi u zhduk afër malit 3.706 metra të lartë, të quajtur Tete Blanche, raporton BBC.

Ata ishin nisur nga Zermatt, në një turne skish drejt Arollas përgjatë kufirit zvicerano-italian.

“Pesë nga gjashtë skiatorët u gjetën në orën 21:20 me orën lokale, pa shenja jete”, tha një deklaratë nga policia zvicerane e kantonit Valais.

Autoritetet i kishin thënë më parë BBC-së se skiatorët ishin të gjithë shtetas zviceranë dhe ishin të moshës nga 21 deri në 58 vjeç.