Gjendet eksploziv i pashpërthyer pranë një biznesi në Sarandë

Një sasi e pashpërthyer eksplozivi i paplasur është gjetur pranë në portën hyrëse të një biznesi në Sarandë.

Raportohet se policia ka rrethuar zonën dhe prite ardhja e ekspertëve anti – eksploziv.

Mësohet se pranë vendit të ngjarjes ndodhen zyrat e OSHEE, një shkollë publike dhe një private.

Dyqani ku është vendosur lënda plasëse është në pronësi të një avokati në Sarandë dhe shërben për shitjen e luleve dhe zbukurimeve për festa.

“Sot, rreth orës 08:20, në lagjen nr. 2, Sarandë, në derën e jashtme të një dyqani në pronësi të shtetasit I. Th., është konstatuar një kallëp me lëndë të dyshuar plasëse. Grupi hetimor vijon veprimet për sqarimin e rrethanave të ngjarjes, identifikimin dhe kapjen e autorit/ëve”, thuhet në njoftimin e policisë.