Një 40-vjeçar është mbytur ditën e sotme në Liqenin e Prespës. Bëhet me dije se policia ka gjetur, rreth orës 15:15, në liqenin e Prespës së Madhe, në afërsi të fshatit Gollomboç, Pustec, një kufomë që i përket Fredi Cenos 40 vjeç, banues në fshatin Bitinckë, Devoll.
Sipas të dhënave paraprake në trupin e kufomës nuk janë konstatuar shenja dhune. Mësohet se Ceno kishte dalë për të peshkuar. Ndërkohë ende nuk dihet nëse shkak i mbytjes është aksidentale, mbetet të përcaktohet nga ekspertiza. Gjithsesi, grupi hetimor po punon për të sqaruar rrethanat e ngjarjes.
Discussion about this post