Gjendet i pajetë miku i Vladimir Putin /Misteri

Një komandant rus i përfshirë ngushtë në përpjekjet luftarake të Vladimir Putin është gjetur i vrarë me armë zjarri në zyrën e tij.

Koloneli Vadim Bojko, 44 ​​vjeç, i cili kishte qenë i përfshirë në fushatën e mobilizimit,  është gjetur i pajetë, për shkak të plagëve të marra nga armë zjarri.

Ai ishte zyrtar i lartë në Shkollën e Lartë të Marinës në Vladivostok.

Sipas raportimeve, 44-vjeçari u qëllua me pesë plumba, menjëherë pasi hyri në zyrën e tij.

Një oficer që dëgjoi të shtënat me armë, nxitoi për te zyra e 44-vjeçarit, por ky i fundit kishte ndërruar jetë në vend, shkruan The Sun.

Edhe pse asnjë shënim nuk u gjet në zyrën e kolonelit, Kremlini pretendon se ai ka qëlluar veten pesë herë në gjoks.

Informacionet thonë se pranë burrit janë gjetur pesë plumba dhe katër pistoleta Makarov.

Megjithatë, mbetet mister fakti sesi koloneli qëlloi pesë herë veten.