Gjendet i pajetë në banesë Altin Isaraj, vëllai i Arben Isarajt ish-drejtorit të Transportit Rrugor.
Mësohet se Altin Isaraj u gjet pa shenja jete në banesën e prindërve të tij, pasi aty jetonte që kur doli nga burgu i Rrogozhinës. Ende nuk dihet shkaku i vdekjes së Isarajt.
Altin Isaraj u arrestua nga policia më 22 tetor të vitit 2018 për veprat penale ‘Armëmbajtje pa leje’ dhe ‘Prodhim dhe shitje të narkotikëve’. Vëllai i Arben Isarajt, doli nga burgu në viti 2019, ndërsa iu caktua masa e sigurisë “arrest shtëpie”.
Pas arrestimit të vëllait nga Policia e Shtetit, asokohe Arben Isaraj dha dorëheqjen nga posti i drejtorit të Transportit Rrugor.
“Për të mos ndikuar direkt apo indirekt me pozicionin tim të lartë administrativ, në pavarësinë dhe dhënien e drejtësisë në Shqipëri, jap dorëheqjen nga pozicioni i drejtorit të Përgjithshëm në Drejtësinë e Përgjithshme të Transportit Rrugor”, tha Arben Isaraj në letrën e dorëheqjes.
Discussion about this post