Gjendet i vdekur 40-vjeçari në Tiranë

Një person është gjetur i vdekur pasditen e kësaj të diele në Tiranë.

Sipas burimeve bëhet me dije se viktima është gjetur në rrugën “Bab Rexha”.
Dyshimet paraprake janë se personi në fjalë ka rënë në kontakt me rrymën elektrike brenda një kabine. Policia ka mundur ta identifikojë e bëhet fjalë për një 40-vjeçar.
Gjithashtu bëhet me dije se ai kishte hyrë në kabinë për të pushuar, por më pas ka rënë në kontakt me rrymën elektrike e cila i shkaktoi vdekje të menjëhershme.
Nga raportimet paraprake, personi në fjalë është endacak.

Grupi hetimor ndodhet në vendin e ngjarjes dhe në orët në vijim pritet më tepër informacion rreth ngjarjes.