Gjendet i vrarë me thikë pranë pronës së tij një burrë në fshatin Xibër

Një 65-vjeçar është gjendur mbrëmjen e sotme në fshatin Xibër të Klosit. Selim Velsula është gjetur pa shenja jete pranë pronës së tij. 65-vjeçari është gjetur në një arë afër shtëpisë dhe dyshohet se është goditur me mjet prerës.

Policia po heton shkaqet e ngjarjes, por për momentin nuk rezulton që viktima të ketë pasur konflikt me ndonjë person. Nga këqyrja paraprake e trupit, mësohet se 65-vjeçari kishte dëmtime të shkaktuara dyshohet nga një mjet prerës.

Në vendngjarje ndodhet grupi hetimor, i cili nën drejtimin e Prokurorisë, po punon për sqarimin e plotë të rrethanave të ngjarjes, identifikimin dhe kapjen e autorit/ëve të dyshuar. Policia vijon kontrollin e zonës dhe mbledhjen e provave që mund të çojnë në zbardhjen e plotë të krimit.

Njoftimi i policisë

Mbrëmjen e sotme, në fshatin Xibër, pranë pronës së tij, është gjetur pa shenja jete shtetasi S.V., rreth 65 vjeç.

Nga këqyrja paraprake, janë konstatuar dëmtime në trup, të shkaktuara dyshohet nga mjet prerës.

Grupi hetimor ndodhet në vendngjarje dhe, nën drejtimin e Prokurorisë, po punohet për sqarimin e rrethanave të kësaj ngjarjeje.

gijotina.com/