Një trup i dekompozuar është gjetur ditën e sotme në brendësi të një pallati në Vlorë, pranë sheshit të flamurit. Trupi është gjetur në pallatin i cili ishte i papërfunduar.
Burime nga policia bëjnë me dije se trupi dyshohet se i përket një mashkulli rreth 40-vjeç.
Lidhur me ngjarjen deri më tani nuk dihet identiteti i personit të vdekur mirëpo dyshohet se trupi ka ditë që qëndron në atë pallat.
Bëhet me dije se kanë qenë punonjësit e kompanisë të cilët po ndërtonin në pallat ata që kanë pikasur trupin e më pas kanë njoftuar menjëherë policinë.
Godina ndodhet në qendër të qytetit bregdetar. Policia dyshon paraprakisht se bëhet fjalë për një vdekje natyrale. Grupi hetimor ka nisur punën për të zbardhur të plotë ngjarjen.
Discussion about this post