Gjendet lëndë plasëse poshtë një automjeti në Burrel, forcat xheniere rrethojnë zonën

Një sasi lëndë plasëse është gjetur poshtë një automjeti në qytetin e Burrelit.

Pritet që në vendngjarje të mbërrijnë nga Tirana forcat anti-eksploziv për veprime të mëtejshme.

Njoftimi i policisë:

Mat/Informacion paraprak

Me datë 06.01.2025,  rreth orës 10.50, në lagjen “Pjetër Budi”,  poshtë automjetit të parkuar në pronësi të shtetasit E.P., ështe konstatuar një pako, e dyshuar me lëndë plasëse.

Forcat xheniere po kryejnë veprimet për heqjen e pakos dhe verifikimin e saj.

Ndërkohë grupi hetimor nën drejtimin e Prokurorisë po punon për zbardhjen e ngjarjes, identifikimin dhe kapjen e autorëve.