Një trup i pajetë është gjendur në periferi të kryeqytetin italian gjatë natës i cili nga konstatimet e para dyshohet se i përket një shtetasi shqiptar.
Sipas mediave vendase, zbulimi i trupit është bërë gjatë mbrëmjes, i cili gjendej i shtrirë dhe me fryt të prerë në rrugën Casa Colonella pranë qytetit të vogël të Artenës.
Sipas informacioneve fillestare, viktima është e moshës 25 deri në 30 vjeç, me kombësi shqiptare ose rumune. Ende nuk dihen detajet personale, pasi i riu ishte pa dokumente në momentin e zbulimit të trupit. Karabinierët e Colleferro po hetojnë ngjarjen ku për momentin pista më e ndjekur është ajo e vrasjes: dyshimi është se ai është vrarë me plagë në fyt ndoshta pas një sherri të ndodhur në një shtëpi të zonës.
Prokurorët e Veletrit kanë nisur hetimet për vrasje dhe karabinierët po dëgjojnë dëshmitarët dhe do të sigurohen edhe videot e kamerave të zonës. Mosmarrëveshja dyshohet se ka ndodhur në një shtëpi aty pranë, e cila më pas është kontrolluar nga karabinierët. Në shtëpi banojnë disa çifte shtetasish të rinj rumunë.
Discussion about this post