Gjendet një kufomë pranë një shkolle në Tiranë, detajet e para

Një trup i pajetë është gjetur këtë të martë në Tiranë.

Sipas informacioneve, kufoma është gjetur pranë shkollës “Andrea Stefani” në Laprakë.

Trupi i pajetë është i gjinisë mashkull.

Trupi i cili kishte 4-5 ditë, është gjetur nga roja i shkollës jashtë rrethimit të godinës.

Nga këqyrja paraprake e trupit të viktimës nuk ka shenja dhune dhe dyshohet se kemi të bëjmë me vdekje natyrale.

Njoftimi i policisë:

Tiranë/Informacion paraprak

Më datë 03.09.2024, rreth orës 09:45, në rrugën “Gjergj Legisi”, është gjetur i dekompozuar, trupi i pajetë dyshohet i shtetasit I. T., 75 vjeç.

Nga këqyrja paraprake nuk janë konstatuar shenja dhune dhe paraprakisht dyshohet se vdekja ka ardhur nga shkaqe natyrale.

Grupi hetimor po punon për zbardhjen e rrethanave të ngjarjes.