Gjendet një person i vdekur në aksin rrugor Lushnje-Rrogozhinë

Një person është gjetur i pajetë mëngjesin e kësaj të shtune, në aksin rrugor Lushnje-Rrogozhinë, në afërsi të fshatit Golem.

Burime për gijotina.com bëjnë me dije se personi i pajetë mendohet se është rreth 60 vjeç, teksa trupi i tij është akoma buzë rrugës nacionale, i rrethuar nga efektivë policie, të cilët e kanë mbuluar me një çarçaf të bardhë.

Sakaq, ende nuk dihen rrethanat e ngjarjes, por paraprakisht mendohet se është përplasur nga ndonjë automjet ose është hedhur aty.

Grupi hetimor ndodhet në vendin e ngjarjes dhe po punon për identifikimin e personit të pajetë. A.L/ gijotina.com