Vazhdojnë kërkimet për gjetjen e trupit të vogëlushit 10-vjeçar, të cilin e mori rrjedha e lumit Fan të Mirditës teksa ishte afruar për të marrë topin që i kishte rënë, ndërkohë që luante me bashkëmoshatarët e tij.
Në drejtim të vogëlushit shkoi edhe i vëllai duke tentuar ta ndihmonte por rrjedha e fortë e mori atë duke i lënë vetëm xhupin në dorë.
Mësohet se deri më tani, polumbarët kanë gjetur 20 kilometra larg vendit të ngjarjes topin, me të cilin po luanin fëmijët, ndërsa ende nuk ka asnjë shenjë për trupin e 10-vjeçarit.
Kërkimet janë përqendruar në zonën e Repsit. Në operacion ndodhen 4 polumbarë, policia, zjarrfikësit dhe banorë të zonës.
Discussion about this post