Është gjetur trupi i pajetë i personit që ishte raportuar se kishte rënë në lumë në Deiq të Klinës. Zëdhënësi i Policisë për rajonin e Pejës, Fadil Gashi, është shprehur se trupi është gjetur 500 metra larg nga vendi ku peshkatarët e kishin parë duke rënë.
“Trupi është gjetur 500 metra larg nga vendi ku peshkatarët e kishin parë duke rënë” – ka thënë ai.
Gjatë ditës, policia ka njoftuar se kërkimi kishte nisur pasi një grup peshkatarësh në mëngjesin e së dielës, kishin parë një trup që po e zvarriste uji në lumë. Sipas Gashit, kishin tentuar ta nxirrnin nga uji, mirëpo përpjekja e tyre ishte e pasuksesshme sepse ai ishte zhytur edhe më thellë.
Ndërkaq, pas ndërhyrjes së FSK-së dhe Zjarrfikësve, është arritur të gjendet trupi i pajetë dhe të nxirret nga lumi. Policia nuk ka dhënë detaje më të hollësishme lidhur me rastin.
Discussion about this post