Ajaxi i Amsterdamit u shfaq në mediat sociale, për të vlerësuar gjendjen shëndetësore të Edwin van der Sar, pas hemorragjisë cerebrale që pësoi ish-administratori 52-vjeçar, i cili është nën kujdesin intensive që të premten.
“Edwin van der Sar mbetet nën kujdesin intensiv. Gjendja e tij është e qëndrueshme, por vazhdon të jetë shqetësuese. Ajax ndajnë këtë informacion në emër të Annemarie van der Sar, gruas së Edvinit. Familja Van der Sar, ashtu si Ajax, janë mirënjohëse dhe të përzemërta për mesazhet e shumta të mbështetjes”,- shkruan klubi i Amsterdamit.
Edwin van der Sar, është një legjendë e klubit të Ajaxit dhe gjithë futbollit, me paraqitjet e tij në portë që e kanë bërë, të vlerësohet si një prej portierëve më të mirë të botës.
Discussion about this post