Trajneri italian Antonio Conte është detyruar të ndalet sërish. Tottenham ka njoftuar se tekniku 53-vjeçar është kthyer në Itali për të përfunduar rikuperimin e tij, pa caktuar një datë për kthimin e tij. Spurs janë rikthyer në duart e Cristian Stellinit, zëvendësi i Contes, i cili në kontakt të vazhdueshëm me shefin e stolit i kishte drejtuar 10 ditë më parë në fitoren ndaj Manchester Cityt.
“Pas një kontrolli rutinë në Itali dje, u vendos që Antonio Conte të qëndrojë në shtëpinë e tij për të përfunduar rikuperimin nga operacioni i tëmthit që iu nënshtrua së fundmi”, shkroi Tottenham në një deklaratë për mediat duke specifikuar se “shëndeti është gjëja më e rëndësishme dhe të gjithë në klub i urojnë më të mirat. Cristian Stellini do të marrë drejtimin e ekipit të parë”.
Ditët në vijim pritet të bëhët me dije se kur mund të rikthehet tekniku leçez në krye të stolit.
Discussion about this post