Komandanti i Forcës së Sigurisë së Kosovës, Bashkim Jashari ka pritur sot në takim Zëvendës Komandantin e Komandës Evropiane të Shteteve të Bashkuara, Gjenerallejtënant Michael L. Howard, me të cilin diskutuan për situatën e sigurisë në Evropë. Sigurisht që fokusi i tyre ka qenë tek lufta në Ukrainë dhe rreziku që i kanoset Ballkanit.
Mediat kosovare bëjnë me dije se gjatë takimit dy gjeneralët diskutuan për rritjen e bashkëpunimit mes Forcës së Sigurisë së Kosovës dhe Komandës Evropiane të Shteteve të Bashkuara. Gjithashtu, thuhet se në këtë takim u diskutua edhe situata e sigurisë në Evropë, me theks të veçantë në Ukrainë, dhe ndikimi i Rusisë në Ballkan.
Gjeneral Howard ritheksoi gatishmërinë e Komandës Evropiane për të mbështetur FSK-në në rrugën e saj për zhvillim të mëtutjeshëm përmes ushtrimeve, trajnimeve, këshillë-dhënies dhe programeve ushtarake. Gjithashtu, ai falënderoi FSK-në për mbështetjen në trajtimin e refugjatëve afgan. Në fund Gjeneral Jashari i shprehu mirënjohje të veçantë Ushtrisë së Shteteve të Bashkuara për mbështetjen e dhënë si partner strategjik në ngritjen e kapaciteteve ushtarake të Forcës së Sigurisë së Kosovës.
Discussion about this post