Gjenerali ukrainas: Kemi kapur 200 ushtarë rusë, vetëm 19 vjeç

Gjeneralmajori ukrainas, Borys Kremenetsky, ka deklaruar ditën e sotme se  kanë kapur rreth 200 ushtarë rusë. Sipas tij, pjesa më e madhe janë rreth moshës 19-vjeç dhe janë të patrajnuar për të përballur një luftë.

“Kemi kapur rreth 200 ushtarë rusë, disa prej tyre 19 vjeç, të pa trajnuar fare. Ne i trajtojmë ata sipas Konventës së Gjenevës, sipas ligjit ndërkombëtar humanitar“, tha ai.

Ai shtoi se ushtarëve u lejohej të marrin prindërit e tyre në telefon si dhe iu dhanë ushqim dhe ujë.