Gjeneva merr në konsideratë projektin për lehtësimin e trafikut

Tashmë është kthyer sërish në “top temë” njëri prej projekteve të paraqitura për trafikun që do ta lehtësonte çdo shofer, përcjell albinfo.ch.

Edhe pse kishte kohë që ishte mbyllur, konfederata ka rihapur dosjen për projektin ambicioz që synon të lehtësojë trafikun në qytet, kosto kjo që do të shkojë në 5 miliardë franga.

Tashmë është rihapur dosja në një dokument të nënshkruar nga Qeveria, në kuadër të vendimeve të marra nga Zyra Federale e Rrugëve.

Ky interesim i papritur nga ana e Konfederatës vjen si befasi, duke qenë se dosja në Gjenevë po zvarritet prej vitesh. Në vitin 2016, më shumë se 60% e banorëve të Gjenevës votuan në favor të parimit të kalimit të kësaj ure. Por, asgjë konkrete nuk ka filluar që atëherë.

Qeveria tregon se kalimi i liqenit është i planifikuar për një afat të gjatë. Prandaj, Departamenti i infrastrukturës kantonale synon të dorëzojë një dosje studimi të thelluar në FEDRO për fillimin e vitit 2025.

Theksohet se problemi kryesor i projektit, i cili synon të lehtësojë bllokimet e trafikut në qytet, sigurisht qëndron në kostot, të llogaritura në 5 miliardë franga.

albinfo.ch