Gjeniu i shahu i klasit botëror, një kundërshtar i Putinit që në orët e para, Gerri Kasparov paralajmëroi Perëndimin për rrezikun e diktatorit të Kremlinit më herët se kushdo tjetër.
Në një intervistë për ‘BILD’, Kasparov shpjegon se si funksionon në të vërtetë Vladimir Putin dhe kur do të vijë fundi i tij.
“Përllogaritjet e Putinit më 24 shkurt u bazuan në përvojën e tij më shumë se 20-vjeçare me Perëndimin: se ai mund të arrijë qëllimet e tij dhe se askush nuk i del përpara në rrugën e tij,” thotë Kasparov.
Mos i bëri llogaritë gabim Putini?
“Thuhet se gabimi më i madh i Putinit ishte pushtimi i Ukrainës. Ky është gabimi që bëjnë të gjithë diktatorët, të cilët në një moment besojnë se mund të bëjnë gjithçka”.
Ineresant është fakti se që nga fillimi i luftës, Kasparov nuk sheh asnjë gabim thelbësor në 12 muajt e fundit. Sepse jo vetëm Putini gaboi në përllogaritjet e tij për gatishmërinë mbrojtëse të Ukrainës, por edhe ekspertët perëndimorë.
“Putini donte ta merrte Kievin për katër ditë. Por a mund të flitet për gabim këtu? Këtë e priste edhe CIA,” vëren Kasparov. “As në Europë, askush nuk besonte se lufta do të zgjaste kaq gjatë dhe se Ukraina do të ishte në gjendje të ndërmerrte kundërsulme”.
Që atëherë, Putini nuk ka pasur një rrugë për kthim mbrapsht, thotë kritiku i Kremlinit. Prandaj ai do të vazhdojë këtë luftë me hidhërim. “Sepse fuqia e tij varet nga vazhdimi i luftës. Putini është lufta. Fundi i luftës është edhe fundi i tij. Unë mendoj se ai e kupton këtë në mënyrë të përsosur”.
“Putini do të vazhdojë luftën sepse alternativa është vdekja e tij politike dhe biologjike”.
Putini nuk bën dot pa luftë
Kasparov shpjegon se si funksionon sistemi i Putinit: “Sado i çmendur të jetë ai, ai vepron sipas kësaj logjike. Një diktator duhet të justifikojë gjithmonë pushtetin e tij. Një diktaturë ka gjithmonë nevojë për një mitologji, që justifikon legjitimitetin e sistemit”.
Kjo është arsyeja pse Putini nuk mund të bëjë dot pa luftë
Në të kaluarën, legjitimiteti i Putinit bazohej në çmimet e larta të naftës dhe më pas erdhi aneksimi i Krimesë. “Sot është lufta”. Kasparov beson se është një iluzion i rrezikshëm, zhvillimi i negociatave me Rusinë e Putinit.
Nën Putinin, Kremlini nuk mund të ndryshojë më. “Rusia është një diktaturë moderne, fashiste, e stilit mafioz. Sistemi nuk ka burime për t’u shëruar vetë,” thotë Kasparov.
“Kremlini mund të mbijetojë vetëm në mënyrë konfrontuese”. Me fjalë të tjera, Putini nuk mund të bëjë pa luftën.
Çfarë mund ta bëjë Rusinë që të ndryshojë mendje?
“Rusët jetojnë në një botë paralele,” thotë Kasparov. “Është si Gjermania e viteve 1943-1944. Shoqëria është në një gjendje ku vetëm një disfatë dërrmuese ushtarake mund t’i kthejë njerëzit në realitet”.
Ndryshe nga Gjermania naziste, ajo nuk ka nevojë për një disfatë totale, thotë njohësi i Rusisë. “Nuk duhet t’i bombardoni, nuk ka nevojë për pushtim. Mjafton të çlirojmë Ukrainën nga trupat e Putinit dhe nga bindja ruse se ditët e perandorisë dhe diktaturës kanë marrë fund. Nuk ka rrugë tjetër”.
A e ka kuptuar Perëndimi këtë?
Aleatët perëndimorë të Ukrainës e kuptojnë Ukrainën gjithinjë e më mirë. “Problemi është se Perëndimi gjithmonë mbetet prapa zhvillimeve,” thotë Kasparov. “Të kujtojmë: fillimisht u tha se dërgesat e tankeve, avionëve luftarakë dhe sistemeve të tjera efektive të armatimit do të zgjasin shumë, sepse ushtarët duhet të trajnohen fillimisht. E përkthyer, kjo do të thoshte, mos besoni se lufta do të zgjasë kaq shumë”.
Ky ishte një gabim i madh. “Nëse situata në mars ose prill 2022 do të ishte vlerësuar realisht, do të ishte e qartë se lufta do të zvarritej. Dhe se do ishte diçka e zgjuar që të trajnoheshin drejtuesit e tankeve dhe pilotët e avionëve luftarakë ukrainas. Por atëherë, kishte shumë iluzione për zgjidhjet diplomatike”.
Kasparov shpreson se këto iluzione më në fund do të pushojnë së ekzistuari.
“Perëndimi po lëviz ngadalë nga motoja se Ukraina nuk duhet të humbasë dhe Rusia nuk duhet të fitojë në formulën që Ukraina duhet të fitojë. Ne nuk jemi ende atje- por pothuajse. Vizita e Biden në Kiev tregon se Perëndimi së shpejti do të ndalojë së shqetësuari për problemet e Rusisë në rast të humbjes dhe do të fokusohet në sigurimin e Ukrainës me armët e nevojshme”.
Discussion about this post