Biznesmeni Gjergj Luca njihet për skandalet me shkeljet që bënë në ndërmarrjet e tij. Shpesh herë ndaj tij janë ngritur akuza se mbanë punonjës informalë me pagë minimale, ndot ambientin me bizneset e tij dhe së fundmi akuza më rëndë është se një qytetare pretendon që ai i ka marrë pronat me falsifikim dokumentacioni. Por Gjergj Luca nuk pyet për këto akuza, për aq kohë sa edhe qeveria i injoron dhe nuk ka marrë asnjë masë apo kontroll ndaj tij. Duke pasur rrugën e hapur, Luca nuk ka ngurruar që t’i kërkojë qeverisë subvencion për bizneset e tij.
Kryeministri Edi Rama dhe ministrja e Bujqësisë, Frida Krifca po prezantuan sot buxhetin 2022 për peshkatarët. Në fjalën e tij kryeministri bëri një ekspoze të situatës së kaluar të këtij sektori dhe reformave që sipas Ramës po e rimëkëmbin peshkimin në vend.
Ndërkohë që nga ana e tij, biznesmeni dhe sipërmarrësi i “Fish City” Gjergj Luca kërkoi mbështetjen e ministres së Bujqësisë Frida Krafica, duke thënë se duhet të drejtojë sytë nga bizneset që merren me peshkim . “Ka mundësi shteti shqiptar tani, që ka sjellë edhe ministren këtu e cila nuk sheh as majtas dhe as djathtas, kam qenë unë një ndër ta që i kam kërkuar të bëjmë një investim për qershitë tani, ti motër a ke ndërmend të bësh ndonjë gjë për ne, ke mundësi ti të bësh ndonjë gjë për ne? Të lutem”, u shpreh ai. Ndërsa Krifca i ka thënë se qeveria është duke menduar një plan për këtë çështje. Me sa duket ministrja harroi se ka lënë në krizë totale me qindra biznese të tjera, të cilëve nuk iu jep as ndihmë financiare por as mundësinë të paraqesin ankesat e tyre.
Discussion about this post