Një 29-vjecar shqiptar është ndaluar në Gjermani pasi është kapur me 10 kg marjuanë në bagazhet e një taksie, ku dyshohej se i kishte sjellë nga Holanda.
Ngjarja ka ndodhur ditën e mërkurë, ku autoritete gjermane sekuestruan në Munster 10 kg marjuanë dhe një substancë tjetër të panjohur në një taksi. Për shqiptarin është lëshuar një urdhër arresti.
Gjatë marrjes në pyetje, 29-vjeçari tha se kutitë e ngarkuara në bagazhin e taksisë ishin mallra largimi, por megjithatë oficerët e policisë kontrolluan dhe gjetën drogën brenda kutive.
Mediat vendase shkruajnë se 29-vjecari është arrestuar përkohësisht, sakaq është lëshuar një urdhër arresti me kërkesë të prokurorisë të Munsterit. Ndërsa, shoferi u la lirë pasi pretendon se nuk kishte informacion se çfarë kishte brenda kutive.
Discussion about this post