Ish-presidenti amerikan Donald Trump ka deklaruar ditën e sotme se SHBA-të nuk duhet të përfshihen në krizën Ukrainë-Rusi. Për Trump, situata e krijuar në kufijtë mes dy vendeve është “problem për Evropën.”
Deklaratat e ish-presidentit vijnë në një kohë kur presidenti rus Vladimir Putin ka rënë dakord që të mbajë bisedime me Gjermaninë, Francën dhe Ukrainën kurse presidenti amerikan Joe Biden ka deklaruar se do të dërgojë trupa në “në një afat të afërt” pa mbështetjen e NATO-s.
Ndërkoh, duke folur në një program radiofonik sot, Trump bëri me dije se SHBA-të duhet të qëndrojnë larg punëve të Evropës, por gjithashtu shtoi se dyshon që Gjermania mund të ndihmonte ndërmjetësimin e një marrëveshjeje paqeje për shkak të varësisë së saj ndaj gazit me Rusinë përmes marrëveshjes së gazsjellësit Nord Stream 2.
“Ata e sigurojnë energjinë nga Rusia, kështu që Rusia ka kontroll total mbi Gjermaninë,” tha ai.
“Dhe Gjermania po thotë, oh po ne nuk duam që t’i luftojmë. Por në fakt nuk mund t’i luftojnë.” vijoi fjalimin Trump.
Tubacioni i gazit “Nord Stream 2” një investim prej 11 milionë dollarësh u projektua për të dyfishuar gazin që rrjedh direkt nga Rusia në Gjermani, një projekt që është përballur me kritika në Evropë dhe SHBA, pasi i jep Kremlinit një “levë” të rrezikshme mbi Evropën.
Discussion about this post