Gjermania emëron kapitenin e ri në prag të sfidës me Japoninë

Gjermania vazhdon përgatitjet e saj për fazën finale të Euro 2024, kompeticion që do ta mirëpresë në shtëpi.

Në vazhdën e ndeshjeve miqësore, që 4 herë kampionët e botës, po zhvillojnë për t’u paraqitur sa më mirë në kompeticionin elitar të futbollit europian, një nga temat e nxehta është dhe kush do jetë kapiteni i skuadrës.

Epo, trajneri i Gjermanisë, Hansi Flick i ka dhënë fund dilemave, duke emëruar “pasardhësin e përkohshëm” të Manuel Neuer.

Gjermania do të ketë kapiten, Ilkay Gundogan. Trajneri Hansi Flick e bëri të ditur në konferencën për shtyp këtë gjë: “Neuer? Ai duhet të kthehet në formë fillimisht. Shpresojmë që të kthehet shpejt, por kjo është një zgjedhje për të ardhmen”, deklaroi ai.

Gjermania do të përballet në miqësore me Japoninë dhe me Francën, sfida që shihen si delikate dhe përsa i përket të ardhmes së trajnerit Flick, i vënë në diskutim për shkak të rezultateve jo shumë premtuese.