“Gjermania kërkon të punësojë 400 mijë punëtorë”, kështu ka deklaruar Kryetari i Bordit të Agjencisë Federale të Punësimit, Detlef Scheele, pasi po mbaron fuqia punëtore.
Sipas mediave të huaja, sektorët me më shumë mungesa janë shërbimet e kujdesit, specialistët e logjistikës dhe punonjës të kualifikuar.
Në lidhje me rezistencën e mundshme ndaj migrimit, ai tha: “Ju mund të ngriheni dhe të thoni: Ne nuk duam asnjë të huaj. Por nuk funksionon kështu. Fakti është: Gjermanisë po i mbarojnë punëtorët. Do të jetë shumë më dramatike në vitet e ardhshme”, deklaroi ai.
Në vitet e fundit, shumë shtetas shqiptarë, kryesisht me profesione si mjekë apo infermierë janë zhvendosur drejt Gjermanisë për shkak të pagave dhe kushteve të mira të punës.
