Gjermania kërkon trajner, Lahm e Schwein sygjerojnë emrin e…

Gjermania është në kërkim të një trajneri për kombëtaren, pas shkarkimit të Hansi Flick.

Mbrëmjen e së martës Gjermnia mundi në miqësore Francën 2-1, ndërsa skuadra drejtohej nga Rudi Voller.

“Ka vetëm një Rudi Voller”, ishin korret e tifozëve të skuadrës, por që duket nuk kanë prekur një prej yjeve të futbollit gjerman që mban detyrën e drejtorit teknik.

“Rezultati nuk e ndryshon situatën. Për mua është shumë e qartë: ditët e fundit kanë qenë shumë stresuese”, ka deklaruar në konferencë për shtyp Voller, në përfundim të ndeshjes.

Voller do të kthehet në rolin e tij të drejtorit sportiv dhe do të nisë kërkimet për një trajner të ri, të cilin ka premtuar se do ta gjejë brenda tri javësh.

“Dëshira ime është që t’jua prezantoj trajnerin e ardhshëm gjerman gjatë pauzës së ardhshme për kombëtaret. Nuk do të përmend emra, rëndësi ka që të jetë dikush që flet gjermanisht. Më pas duhet të jetë edhe njeri i jashtëzakonshëm”, u shpreh ai.

Në kërkimin e trajnerit ideal, Voller ka siguruar se “do të flas në telefon me një ose dy lojtarë”, ndoshta ish-yje të kombëtares gjermane.

Philipp Lahm dhe Bastian Schweinsteiger e kanë shprehur preferencën e tyre për Louis van Gaal, por që nuk beson se ka mundësi sepse “asnjë trajner i huaj nuk është zgjedhur në rolin e trajnerit të kombëtares gjermane”.

Favoriti është Julian Nagelsmann, ish-trajneri i Bayern Munchen, i larguar në mënyrë të mistershme nga drejtimi i skuadrës.