Qeveria gjermane ka miratuar biletën e vetme prej 49 eurosh në muaj që do t’i lejojë udhëtarët të lëvizin në të gjithë vendin duke përdorur transportin publik të qytetit dhe transportin hekurudhor rajonal.
Një masë që pati pikënisje nga eksperimenti i muajve të fundit, i cili kishte çuar në futjen e një bilete 9 euro në muaj me të cilën nga qershori deri në fund të gushtit mund të udhëtohej në Gjermani me trena, metro, autobusë dhe tramvaj.
Një zgjidhje, e cila synon të kompensojë të paktën pjesërisht rritjen e fundit të kostove të energjisë elektrike dhe gazit.
Promovimi i prezantuar në muajt e verës kishte qenë shumë i suksesshëm.
Megjithatë, tani jo të gjithë janë të sigurt se vendosja e një bilete 49 euro është masa më e përshtatshme për t’u përballur me rritjen e përgjithshme të shërbimeve dhe kostos së jetesës.
Ministri gjerman i Transportit Volker Wissing tha se bileta do t’i prezantohet qytetarëve sa më shpejt të jetë e mundur.
Discussion about this post