Pandemitë dhe mjetet piroteknike nuk do të përzihen për të dytin vit radhazi në Gjermani. Dhoma e Sipërme nënshkroi të premten një rregull që ndalon shitjen e fishekzjarreve në prag të Vitit të Ri. Gjermania ndodhet në mes të një vale të katërt të pandemisë së koronavirusit.
Ministri i Shëndetësisë, Karl Lauterbach ka shfaqur shqetësimin se vendi mund të goditet nga një valë e pestë e infeksionit, pasi spitalet janë mbingarkuar dhe nuk do të kenë kohë të mjaftueshme për të trajtuar plagët e personave që shfaqen çdo vit për shkak të aksidenteve me fishekzjarre. Shumë gjermanë janë entuziastë për ndezjen e fishekzjarreve gjatë ndërrimit të viteve, duke i kthyer lagjet në shfaqje piroteknike.
Kundërshtarët argumentojnë se kjo i bën zonat e banuara të duken si zona lufte ndërsa mjekët kanë raportuar një rritje të vazhdueshme të personave të plagosur pasi fishekzjarrët shpërthejnë në duart e tyre ose drejt individëve të tjerë.
Vendimi i organit legjislativ, Bundesrat, do të bëjë zyrtar një rregull të dakordësuar nga kabineti në fillim të këtij muaji. “Spitalet dhe praktikat mjekësore kanë qenë nën presion masiv si rezultat i pandemisë për muaj të tërë. Tani, duam të parandalojmë dhe shmangim çdo stres dhe urgjencë tjetër mjekësore”, tha ministrja e Brendshme Nancy Faeser.
Discussion about this post