Gjermania prej vitesh është po “rraskapitet” nga emigrantët, të cilët largohen nga vendet e tyre dhe përpiqen të futen në tokën gjermane për një jetë më të mirë.
Së fundmi, ministrja e Brendshme gjermane Nancy Faeser ka sqaruar një projektligj, i cili përshpejton procedurat për largimin e emigrantëve të cilat nuk kanë përfituar azil dhe mundësi qëndrimi në Gjermani.
Emigrimi është bërë një çështje kryesore politike për qeverinë e koalicionit gjerman, me socialdemokratët e kancelarit Olaf Scholz (SPD), që u zotuan se do të marrin një qëndrim më të ashpër, pasi numri i emigrantëve që vijnë nga vende të ndryshme të botës është rritur.
“Kushdo që nuk ka të drejtë të qëndrojë duhet të largohet përsëri nga Gjermania
“Ne duhet të jemi në gjendje ta zbatojmë këtë parim; përndryshe ne do të dëmtojmë komunitetin tonë”,- është shprehur ministrja gjermane.
“Që të jemi ky vend, na duhen gjithashtu rregulla dhe ligje të qarta. Kjo do të thotë se ata që nuk kanë të drejtë të qëndrojnë duhet të largohen përsëri nga vendi shpejt dhe me siguri’,- theksoi ajo në mënyrë të prerë.
Ministrja Faeser ka sqaruar se projektligji do të krijonte kushtet e nevojshme për të kryer dëbimet dhe kthimet.
Sipas saj, drafti përfshin më shumë se 40 masa individuale që qeveria thotë se do ta bëjnë më të lehtë dhe më të thjeshtë ekzekutimin e dëbimeve.
Po ashtu, në projektligji nënvizohet edhe zgjatja e kohëzgjatjes maksimale të paraburgimit, nga 10 në 28 ditë, për ta bërë kështu më të lehtë për autoritetet që të garantojnë që dëbimet të realizohen.
Ndryshimet e propozuara përfshijnë zgjerimin e kompetencave të policisë, duke i dhënë fund kërkesës për të njoftuar individët përpara se të dëbohen, por do të ketë përjashtime për njerëzit që janë të sëmurë ose që kanë fëmijë.
Policia do të jetë gjithashtu në gjendje të kontrollojë banesat e palëve të treta kur kërkon të përcaktojë identitetin e një emigranti.
Autoritetet aktualisht lejohen të kontrollojnë vetëm dhomën e gjumit të individit në fjalë.
Ligji gjithashtu i jep policisë të drejtën të kontrollojë kompjuterët dhe telefonat celularë për të përcaktuar identitetin e emigrantit.
Emigrantët e përcaktuar për lidhje kriminale do t’i nënshtrohen gjithashtu dëbimit më të shpejtë, pavarësisht nëse kanë kryer krime në Gjermani apo jo.
Discussion about this post