Shkalla e infektimeve në Gjermani vijon të rritet duke shkaktuar frikë tek qytetarët dhe institucionet shëndetësore.
Vendi ka regjistruar 201.1 raste të reja për 100,000 banorë gjatë javës së fundit; niveli më i lartë i mëparshëm ishte 197.6 në dhjetor të vitit të kaluar.
Pavarësisht se këto shifra, në krahasim me vendet e tjera evropiane janë më të ulëta, autoritetet gjermane janë alarmuar.
Autoritetet atje bëjnë me dije se 15,513 raste të reja ishin raportuar gjatë 24 orëve të fundit. Gjermania ka luftuar për të gjetur mënyra për të nxitur fushatën e saj shumë të ngadalësuar të vaksinimit.
67% e popullsisë 83 milionëshe të vendit është plotësisht e vaksinuar, sipas shifrave zyrtare.
Për sa i përket masave, Gjermania ka rregulla të ndryshme sipas rajoneve. Shumica e vendeve kufizojnë aksesin në shumë objekte dhe ngjarje të brendshme për njerëzit që janë vaksinuar, janë shëruar ose janë testuar – me këta të fundit tani të përjashtuar në disa zona.
Discussion about this post