Gjermania ka shpallur Rumaninë dhe Lituaninë si zona me rrezik të lartë për Covid-19. Vendimi është publikuar sot nga instancat përkatëse gjermane.
Çdokush që nuk është vaksinuar ose shëruar plotësisht nga koronavirusi i ri dhe që hyn në Gjermani nga këto vende duhet të karantinohet për dhjetë ditë dhe mund të largohet nga karantina vetëm pas pesë ditësh me një rezultat negativ të testit për COVID-19.
Në paralajmërimet e udhëtimit, të postuara në faqen e saj të internetit, Zyra e Jashtme në Berlin paralajmëroi kundër “udhëtimeve të panevojshme turistike” në Rumani dhe Lituani.
Deri më tani, Sllovenia është shteti i vetëm anëtar i Bashkimit Evropian që është klasifikuar plotësisht si një zonë me rrezik të lartë.
Rreth 70 vende në të gjithë botën janë tërësisht ose pjesërisht në listën e rrezikut.
