Gjesti e përmendi para pasqyrës, kush është vajza që Gjesti bashkëjetoi me të për disa vjet?

Jeta private e Gjestit, një nga banorët më të komentuar të “Big Brother VIP Albania”, ka ngjallur gjithmonë kuriozitet dhe diskutime të shumta.

Gjatë qëndrimit të tij në shtëpinë e famshme, refuzimi për të krijuar një lidhje me Eglin dhe disa deklarata që ai ka bërë për çështje të kaluara, kanë nxitur shumë spekulime mbi jetën e tij.

Një nga hipotezat më të përhapura ka qenë ajo që sugjeronte se Gjesti mund të kishte qenë i martuar.

Megjithatë, burime të afërta me të duket se kanë sqaruar se ky informacion nuk është i vërtetë. Ata konfirmojnë se Gjesti nuk ka qenë kurrë i martuar, por ka jetuar për katër vjet me një vajzë të quajtur Diellza, e cila është nga Prishtina dhe nuk ka lidhje me botën e shoëbiz-it.

“Gjesti dhe Diellza kanë pasur një bashkëjetesë për katër vjet. Ajo ka bërë shumë për të, por ai shpesh ka qenë i pafalshëm. Nuk kanë qenë të martuar, vetëm kanë jetuar bashkë”, ka deklaruar një burim.

Sipas këtij burimi, lidhja mes dy të rinjve ka vazhduar deri disa muaj para se Gjesti të hynte në edicionin e tretë të “Big Brother VIP Kosova”.

Edhe pse janë përballur me shumë grindje, marrëdhënia e tyre mendohet se nuk ka përfunduar plotësisht, duke sugjeruar se situata ka qenë më komplekse nga sa duket.

Kujtojmë se, këto ditë, në një moment relaksi ku Gjesti ka qenë me një maskë fytyre para pasqyrës, ai ka përmendur emrin e Diellzës duke i kërkuar falje dhe se shumë shpejt do të kthehet pranë saj dhe “ka për t’ja dridh…”. Duke thënë gjithashtu se ajo i ka bërë një xhup… Nuk e dimë ende nëse bëhet fjalë për të njejtin person apo dikë tjetër.

Gjithsesi, hezitimi i Gjestit për të nisur një lidhje të re brenda shtëpisë është interpretuar nga shumë si një pasqyrim i ngjarjeve të kaluarës së tij.

Pavarësisht spekulimeve, jeta e tij personale mbetet një nga temat më të diskutuar dhe më të përfolura nga publiku që ndjek spektaklin.