Në tribunën e nderit të Olympiastadion do të jetë edhe Rexhep Taip Erdogan. Presidenti turk nuk do të shkojë në Berlin për të takuar Olaf Scholtz, e as për çështje të rëndësishme si ndërmjetësimi për një armëpushim mes Rusisë dhe Ukrainës, por për të mbështetur nga afër kombëtaren turke në çerekfinalen me Holandën, një gjest që merr akoma më shumë rëndësi në momentin që episodi i Merih Demiral është kthyer në plot kuptimin e fjalës në një çështje diplomatike mes Turqisë dhe Gjermanisë.
Mbrojtësi i Turqisë festoi gjatë ndeshjes me Austrinë me organizatës ultra nacionaliste të ujqërve gri, një simbol i ekstremit të djathtë, episod që u bë objekt i hetimit nga Uefa është kthyer në një cështje shtetërore. Mes tensioneve diplomatike dhe polemikave duket se ka vendosur të zbresë në fushë vetë Rexhep Taip Erdogan.
Zëdhënësi i qeverisë e cilësoi si të papranueshëm hetimin e Uefas e po ashtu dhe deklaratat e ministres së brendshme gjermane Nancy Faeser. Erdogan ka anuluar një udhëtim që kishte në program për të shtunën në Azerbajxhan për të qenë në stadium. Në mëngjes Berlini thërriti ambasadorin turk pikërisht në lidhje me incidenin e ndodhur, çka konfirmon rëndësinë që ka marë episodi i Demiral.
Discussion about this post