Dy shqiptar nga Mali i Zi kanë bërë një gjeste të admirueshëm i cili është “përqafuar” nga qytetarët duke i kurorëzuar me titullin “Hero” për akte të veçanta sublime në qytet.
Qazim Suljoviç dhe djali i tij shpëtuan nga grabitja një grua 61-vjeçare, pranë vendit të tyre të punës. Louie Suljoviç, një veteran i ushtrisë amerikane 38-vjeçar, ishte duke punuar pas banakut të picerisë së tij “Elmhurst, Louie’s,” kur së bashku me babai i tij panë të moshuarën duke u grabitur nga dy burra të shtunën mbrëma.
Sipas “New York Post” që të dy ndodhen në spital: “Qazimi është në një situatë të rëndë, ndërsa djali i tij Louie po përmirësohet, ai është i shtruar në spital dhe besoj se do të bëhet më mirë”, tha kushërira e Qazimit, Remzija.
Viktima e moshuar u tha policëve se të dyshuarit i ishin afruar asaj nga pas, e shtynë dhe ia hoqën çantën nga krahu duke e kërcënuar me thikë.
Oficerët arritën të arrestonin Robert Whack, 30 vjeç dhe 18-vjeçari Supreme Gooding për sulmin. Të dy akuzohen për grabitje, sulm dhe armëmbajtje për të kryer veprime kriminale..
Sipas të afërmve të tyre, Louie Suljoviç është duke u përmirësuar dhe Qazim Suljoviç është në gjendje të rëndë.
“Ai dhe babai i tij janë ndër më të mirat që ka për të treguar Nju Jorku. I falënderojmë për guximin e tyre dhe i urojmë shërim të shpejtë”, shkroi në Tëitter policia e Komisariatit 110 në lagjen e New Yorku ku ndodhi ngjaraja.
Discussion about this post