Prej disa kohësh, Koltoni i vogël, me origjinë shqiptare, i kishte thënë nënës së tij se do të donte të ndihmonte fëmijët me më pak fat se ai, që edhe ata të mund të festonin. Vetëm gjashtë vjeç, ai donte që qëllimi të mos mbetej vetëm në fjalë, siç bëjnë shpesh të rriturit, ndaj të gjitha kursimet e tij ia dha Kryqit të Kuq, me dëshirën që të blihen lodra për fëmijë. Kolton Ndoj në prill do të mbush shtatë vjet, ai e ndjek shkollën fillore në Bregnano dhe tashmë i ka mjaft të qarta idetë.
“Më tha se donte vetëm një gjë, t’i ndihmonte ata fëmijë. Kështu që mendova se nëse ka një realitet të cilit mund t’i besosh është Kryqi i Kuq, ndaj shkuam tek ata”, thotë mamaja e tij.
Vullnetarët e kishës u befasuan shumë nga gjesti i vogëlushit shqiptar, ndaj për ta falënderuar, vendosën ta ftojnë në asamblenë e tyre, e cila u mbajt pak ditë më parë, me presidentin Danilo Fasola.
“Ishte një moment i bukur dhe ai ishte vërtet i lumtur. Jo të gjithë e prisnin këtë” shtoi e ëma.
Familja është me origjinë nga Shqipëria, por prej dy vitesh jeton në Bregnano, ku disa të afërm jetojnë prej disa kohësh, përfshirë edhe hallën, e cila ka nënshtetësi italiane.
Discussion about this post