Gjesti është rikthyer në shtëpinë e “Big Brother VIP Albania” pas një pauze të shkurtër për t’u trajtuar nga mjekët, pas incidentit të ndodhur gjatë dasmës së Jozit dhe Loredanës.
Ai u largua për disa orë për të marrë ndihmën e nevojshme, pasi Gerta i kishte hedhur alkool në sy.
Duket se gjendja e Gjestit është përmirësuar dhe ai është i gatshëm të vazhdojë garën në reality show. Nga ana e saj, Gerta ka pranuar se e ka hedhur alkoolin në sy të Gjestit dy herë dhe ka theksuar se veprimi ishte i qëllimshëm.
Pavarësisht tensioneve që shpërthyen, Gerta dhe një pjesë e banorëve të tjerë vazhduan të shijonin darkën, duke e përjetuar këtë moment në mënyrën e tyre.
Pasi tensionet u rritën, dhe Gjesti u rikthye në lojë, një zarf i zi mbërriti në shtëpi, duke njoftuar se me veprimin e Gertës, kishin kaluar kufijtë e pranueshëm dhe si pasojë, televotimi aktual u anulua.
Gjithashtu, masa që do të merret për banoren do të bëhet e ditur gjatë Prime-it të së martës.
Të gjithë banorët dhe telespektatorët janë në pritje të vendimit të “Vëllait të Madh”.
Discussion about this post