Anëtari i Kryesisë së FRPD-së Ermir Gjeta, ka komentuar sot në një intervistë televizive situatën e brenda PD. Sipas tij , Basha po agravon gjendjen për interesa personale, por që shumë shpejt do të marrin fund. Gjeta u shpreh i bindur se Lulzim Basha do shkarkohet nga posti si kryetar i PD me 11 dhjetor.
“Basha nuk respekton asnjë statut, vendimet e tij janë nul. Ne jemi të hapur të bëjmë zgjedhje sipas statusit. 99 përqind e FRPD mbështet Foltoren. FRPD do të bashkëpunojë me PD. Basha do të shkarkohet më 11 dhjetor. Ne duam të drejtohemi nga Berisha, sepse ish-kryeministri është lideri i vërtetë në Partinë Demokratike”, tha ai.
Ndër të tjera, Gjeta e konsideroi “Foltoren” e Berishës si shpresën e fundit për demokratët dhe të gjithë shqiptarët. “Foltorja është e vetmja shpresë për shqiptarët. Foltorja është i vetmi institucion që i ka dhënë shpresë rinisë dhe të gjithë shqiptarëve. FRPD duhet që të riformatohet. Ne duam që të bëjmë edhe anëtarësime të reja. Mbështetja e rinisë për PD dhe për rininë është shumë e madhe”, u shpreh Gjeta . Pas vendimit për të nisur zgjedhjet edhe në FRPD, të rinjtë demokratë kanë dalë kundër Bashës, duke thënë se ai po merr vendime që nuk janë nën kompetencat e tij. E.H/ Gijotina.com/
Discussion about this post