Një shtetase shqiptare, anëtare e një bande që grabiti 26 shtëpi në një muaj e gjysmë në vitin 2019, epeloi kundër dëbimit në Shqipëri, pasi pretendoi se kishte gjetur dashurinë e jetës në A Lama.
Sipas saj largimi me forcë nga Spanja, shkel të drejtat, mes tyre edhe të partnerit, një shtetas spanjoll të cilin e takoi në burg, por kjo nuk është marrë parasysh nga autoritetet.
Shtetasi spanjoll i cili ka një servis makina dhe shqiptarja kërkojnë të krijojnë një familje.
Sipas mbrojtjes së saj në apelin në fjalë, gruaja hyri rregullisht në vend nëpërmjet një fluturimi nga Roma dhe gjatë periudhës tre mujore si turiste ajo u ndalua dhe më pas u gjykua. Pas vuajtjes së dënimit ajo u transferua direkt nga burgu në aeroport dhe partneri i saj shkoi në Shqipëri ku u martuan, pasi nuk mund ta bënin këtë në territorin spanjoll pasi gruas i kishin mbajtur dokumentet nga autoritetet spanjolle.
Gjykata e Lartë e Xustizës me një vendim nëntorin e kaluar rrëzoi pretendimet e kësaj shtetaseje. Ajo kujton në vendimin e saj se u arrestua menjëherë pas mbërritjes në Spanjë si autore e dyshuar e krimeve si pjesëtare në një grup kriminal, falsifikimit të dokumenteve, grabitjes me forcë, vjedhjes së targave, armëmbajtjes pa leje, pritjes dhe pastrimit të parave, për ngjarjet e ndodhura në nëntor 2019, ku nën shoqërinë e dy anëtarëve të tjerë të grupit, ajo mori me qira një shtëpi për pushime, duke paraqitur një kartë identiteti false greke në emër të një personi tjetër.
Në këtë mënyrë, Gjykata e Lartë Galiciane refuzon kërkesën e ankueses, me shpenzime të vendosura, megjithëse është i mundur ankimi në Gjykatën e Lartë.
Discussion about this post