Presidenti i nderit i skuadrës së Kukësit, Safet Gjici ka komentuar ndeshjen e parë të kampionatit, sistemit VAR dhe përplasjet me Kokëdhimën.
“Kukësi më pëlqeu me këtë fitoren e parë, por do të ketë ndeshje më të vështira se Egnatia, edhe pse Egnatia, kishte ekip simpatik. I falënderoj çunat që morë 3 pikëshin e parë. Ishte një rezultat i kënaqshëm.
Prezenca e VAR-it do t’i japë një farë garancie më shumë. Gjithsesi do e shikojmë deri në fund si do të shkojë puna e VAR-it.
Superiorja duhet ta shesë emrin e vetë, sepse ne na duhen edhe të ardhurat, klubet kanë nevojë për të ardhurat. Unë kam qenë skeptik për këtë blerje, por ka vendosur shumica dhe është shitur emri. Nuk kam ndonjë koment tjetër, sepse ju i dini komentet e mija me Z.Kokëdhima. Kanë qenë debate të vitit të kaluar. Fitoi me shumicë.
Unë nuk e ul çmimin për Olsin. Le të vijë te ne me atë çmim.
Objetivat dihen, janë gjithmonë maksimale. Ne për 1 muaj- 1 muaj e gjysëm kthehemi në fushën tonë. Kjo është gjëja më e rëndësishme për ne. Shumë nuk e besonin që stadiumi do të përfundonte”, u shpreh Gjici.
