Mbrëmjen e së mërkurës në Europë u luajtën ndeshjet e treta kualifikuese të shtatorit për Botërorin ‘Qatar 2022’.
Gjigantët e kontinentit të vjetër u rikthyen në formën e tyre më të mirë dhe kanë treguar forcën në këto takime.
Kampionët e ‘Euro 2020’ mundën Lituaninë me rezultatin 5-0 në shtëpi, duke kaluar tersin dhe duke u rikthyer te fitoret pas dy barazimeve. Moise Kean (11’, 29’), Utkus (14’ autogol), Raspadori (24’) dhe Di Lorenzo (54’) ishin “heronjtë” e fitores së skuadrës së Mancinit.
Transferta e Gjermanisë ndaj Islandës, ishte po ashtu një tregues forcë. “Panzerat” fituan 4-0, duke shënuar nga dy gola në çdo pjesë. Gnabry (4’) zhbllokoi ndeshjen, më pas Rudiger (24’), Sane (56’) dhe Werner (89’) do të fiksonin suksesin e tretë radhazi të skuadrës, e cila udhëhiqet nga Hansi Flick.
Ndërsa Belgjika nuk e pati aspak të lehtë përballë Bjellorusisë, pasi fitoi me rezultatin minimal 0-1, ku Praet (33’) ishte autori i golit të fitores.
Anglia nga ana tjetër nuk mundi të merrte më shumë se barazimi 1-1 përballë Polonisë në Varshavë. “Tre Luanët” kaluan në epërsi me Harry Kane (72’), por në minutat shtesë, Szymanski (90’+2) do të shënonte dhe fiksonte rezultatin e barabartë 1-1./Gijotina.com
Rezultatet e të gjitha ndeshjeve të treta kualifikuese të Botërorit ‘Qatar 2022’ të së mërkurës:
