Vetëm disa orë pasi ambasadorja e SHBA, Yuri Kim u shpreh se nuk do të pinte kafe me një person të shpallur ‘non-grata’ nga Amerika, duke iu referuar Sali Berishës, ky i fundit në daljen e tij për media u shpreh se do të rikthehej jo vetëm si lider i PD-së, por edhe si kryeministër.
Berisha pretendoi dje se ka konkretizuar nismën e tij për thirrjen e Kuvendit Kombëtar në 11 dhjetor, duke dorëzuar 4200 formularët në zyrën e kreut të Këshillit Kombëtar, Edi Paloka.
Lidhur me këtë nismë ndërkohë që Berisha është i shpallur ‘non-grata’, Damian Gjiknuri ka komentuar duke thënë se nuk i vjen mirë që një lider politik sanksionohet, por megjithatë dakortësohet me deklaratat e amabsadores, Yuri Kim.
“Nuk më vjen mirë që të sanksionohet në një listë një lider politik dhe të shpallet non grata sepse pak lidera kemi pasur në vend. Nuk dua të interpretoj atë që thotë ambasadorja, por ky njeri është i papërshtatshëm për të pasur marrëdhënie me SHBA-të.”
Gjiknuri u shpreh se zgjedhja e Berishës sërish në krye të PD, teksa Yuri Kim ka shfaqur hapur mosdakortësmin e saj, është një risk të cilin demokratët duhet t’a marrin parasysh.
“Kjo është një zgjedhje e demokratëve pastaj nëse do ta marrin një risk të tillë. Na duhet një opozitë bashkëpunuese kushdo që ta drejtojë atë. Personazhet njihet, mbase mund të ketë edhe personazhe të reja, po nuk mund ta parashikojmë këtë gjë.”
Discussion about this post