Drejtuesi politik i Partisë Socialiste në qarkun e Elbasanit, Damian Gjiknuri, ka shkuar sot për të festuar Ditën e Verës. Ai ka deklaruar se ditë më të mira do vijnë për popullin shqiptar dhe se jeta është më e bukur me zbukurimet që ka bërë bashkia e Elbasanit për Ditën e Verës, ndërkohë që shkarazi përmend edhe protestat e qytetarëve, të cilët janë ankuar për rritjen e çmimeve. Gjiknuri tha sot se shumica po feston, çka tregon se njerëzit janë të gëzuar dhe shpresëplotë drejt të ardhmes.
“Mendoj se ditë më të mira do vijnë për popullin shqiptar, pavarësisht nga vështirësitë që ndodhemi për shkak të sfondit të ngjarjeve ndërkombëtare. Bashkia e Elbasanit ka bërë një organizim të mrekullueshëm këto ditë me koncerte, me aktivitete të ndryshme që nxjerrin në pah vlerat e kësaj treve, por mbi të gjitha edhe për të dhënë mesazhin që jeta është e bukur, është ai rigjallërimi që e do njeriu. Shqiptarët me këtë pjesëmarrje kanë treguar që e duan jetën. Ne jemi të hapur për çdo bashkëpunim. Opozita e sotme është akoma më shumë kuturu. Pas 6 marsit kanë hyrë në një krizë shkërmoqjeje. Ka edhe njerëz që dolën protesta, por ka më shumë qytetarë që kanë besim tek paqja”- deklaroi ai ndër të tjera.
Discussion about this post