Në komisionin hetimor të inceneratorëve, radhën për të dëshmuar e ka sekretari i përgjithshëm i PS Damian Gjiknuri. I pyetur në nisje të mbledhjes nëse njihet me ortakët e inceneratorëve, Gjiknuri tha se Stela Gugallen nuk e njeh, ndërsa bashkëjetuesin e saj njeh vetëm si fytyrë. Ndërsa Klodian Zoton e ka takuar nga afër, kur në cilësinë e ministrit të Energjitikës ka parë nga afër inceneratorin e Elbasanit, ndërsa shton edhe se ka punuar në vitin 2001 në Ministrinë e Mbrojtjes.
Damian Gjiknuri shtoi se ai është politikan dhe si i tillë njeh shumë njerëz.
“Në lidhje me shtetasit që përmendët, zonjën Gugallja nuk e njoh. Mërtirin e njoh si fytyrë, zotin Zoto e kam takuar disa herë në cilësinë e ministrit kur kam parë nga afër impiantin e Elbasanit në vitin 2017. E kam pritur edhe në zyrë. Kemi punuar bashkë edhe në vitin 2001 në ministrinë e Mbrojtjes. Jeta më ka bërë shumë biznesmenë por dua të ndaj lidhjet shoqërore dhe afërsinë për lidhjet që i kam njohur për shkak të detyrës. Jeta ma ka dhënë të njoh edhe Lulzim Bashën që 16 vjeç, po kjo nuk më bën të kem konflikt interesi në politikë” – tha Gjiknuri.
Discussion about this post