Gjilani është eliminuar nga faza kualifikuese në Ligën e Konferencës pas humbjes 2-0 ndaj Progres Niederkorn, në ndeshjen e dytë që u zhvillua në stadiumin “Fadil Vokrri” në Prishtinë.
Në takimin e parë në kuadër të rrethit të parë kualifikues të zhvilluar në Luksemburg, skuadrat ishin ndarë baras (2-2).
Skuadra nikoqire nga minuta e 14-të mbeti me një lojtar më pak në fushë, pasi Egzon Sinani u përjashtua me karton të kuq.
Rezultati u zhbllokua në fraksionin e dytë të lojës me golin e Antoine Mazure-Hanus (65’), i cili u asistua nga Kenny Mixtur.
Në minuta e mbetura, ekipi i Gjilanit nuk ia doli të realizonte që së paku ta dërgonte sfidën në vazhdime, ashtu që nuk mundi të kualifikohej në raundin e dytë të kësaj gare.
Për më shumë, Walid Jarmouni e realizoi edhe golin e dytë për ekipin mik në minutat shtesë.
Discussion about this post